Alt om Superblokka

57 kommentarer | 31. okt 2012 | Skrevet av christianwiik

bilde

Radioprogrammet for store og små, med Christian og  gjester kvar dag!

Christian får besøk av fleire barn i leiligheta hans i Superblokka, og dei snakkar om alt det viktige i livet. Kvifor har vi snørr? Kvifor er det så trist å savne noko? Og korleis lagar ein såpebobler.

Ein liten smakebit frå Superblokka:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

RING INN - SUPERSJEF OG SPØRSMÅL

I Superblokka kan du og få vere med å lage radio sjølv. Sit du heime og lurer på noko? Ring 815 21 121, då kan du vere heldig å få ditt spørsmål med i programmet.

Du kan også få bestemme musikken og bli dagens Supersjef. Det einaste du treng å gjere er å ringe inn på telefonsvararen på 815 21 121 så kan du bli den neste Supersjefen.

CHRISTIAN


I Christian si leilegheit lagar han radioprogrammet SUPERBLOKKA. Christian kjem frå ei øy som heiter Gurskøy som ligg på nordveslandet. Før han byrja å lage radio, jobba han som lærar. Det likte han godt, for barn har så mange fine spørsmål og tankar om forskjellige ting.

Når Christian ikkje lager radio prøver han å lære seg å spele munnspill. No kan han to songar. Men det han synes er kjekkast er å le saman med gode vener. Då Christian var liten hadde han ein katt som heitte Katastrofe. Den fekk kattepest og miste halve nasa i ein slåsskamp. Etter det har ikkje Christian hatt noko kjæledyr, bortsett frå Ragg og dei to små kongane som bur i leilegheita.

RAGG


Ragg er trollet som bur i skapet i gangen. Det er heilt umuleg å ta bilete av Ragg. Ragg rekker Christian opp til skuldra. Han har hårete, brun pels. Ragg sin hale er ofte i vegen, og det er dirfor han knuser ting. Ragg er supersnill, og spis alt han kjem over. Ein gong spiste han klokka til Christian. Ragg har eit raudt teppe som er berre hans og det passar han godt på inne i skapet sitt.

HERR OG FRU KONGE


Herr og Fru konge bur i kjøkkenskuffa til Christian. Dei kjem gjerne på besøk og lagar radio. Dei er ikkje større enn ein gaffel, og trur sjølv at dei kan alt. Dei har krone på hovudet sitt og lange kongekapper som blafrar litt når dei går. Sjølv om dei av og til er litt frekke, syns dei det er veldig moro å lage radio.

SOLVEIG


Solveig bur i etasjen over Christian, og der bur ho saman med mor og far, og lillesøster Johanne og storesøster Ingrid. Solveig går i 2. klasse, og på fritida spelar ho handball. Bestevenen til Solveig heiter Eirik.

ØYVIND


Øyvind bur i fyrste etasje i Superblokka. Her bur han saman med mamma og pappa. Øyvind liker betre å gå på skule enn å ha fri. No går Øyvind i 2. klasse. Han har mange spørsmål han lurer på. Øyvind liker ikkje å klatre i tre, men han liker veldig godt å finne svar på ting.

Emil


Emil er 6 år og går i 1. klasse. Han er storebror og det kjekkaste han veit er å spele fotball. Emil kan til og med snakke persisk, for pappaen til Emil er frå Iran. Når Emil blir stor vil han kjøpe ein rask buss, som har fyrverkeri og mykje leiker i seg, og der skal han jobbe.

Sofie


Sofie har ei storesøster og ei lillesøster, og når ikkje Sofie er på skulen så bruker ho å leike seg med venane sine. Sofie har ein stor draum om å få seg skilpadde. Kanskje får ho det til jul?

Marte


Marte har sin heilt eigen brudekjole, som ho er veldig glad i. Når ho ikkje går på skulen likar ho å gå på kino og huske. Favorittmusikken er ABBA.

Conrad


Conrad har ein lillebror som heiter Odin, og ei storesøster som heiter Agnes. Det aller kjekkaste Conrad veit er å spele fotball, men han er også veldig glad i å høre på Michael Jackson, for då kan han danse.

Imre


Imre har en bror og bor saman med mamma og pappa. Han er glad i å spele sjakk og liker å trylle. Når Imre blir voksen skal han finne på en sunn is, for det er noko av det beste han veit.

Felix


Felix er den eldste i blokka. Han vil jobbe med eigedom og investering når han blir vaksen, og så skal han bli sjef.

Klara


Klara har ei syster som heiter Mari. På skulen har ho ei bestevenninne som heiter Isabel, og ho har eit marsvin som dei bruker å leike med. Det skumlaste Klara veit er å gå opp på loftet, når det er skikkelig mørkt.

Mer om: , .

Kommenter innlegget

57 kommentarer til “Alt om Superblokka”

Informasjon

NRK Super er NRKs kanal for barn. På denne siden kan du se aktuelle programmer i nett-TV, spille spill, lese om og delta i aktiviteter i forbindelse med programmene.

Kontakt

Epost: info@nrk.no

Telefon: 815 65 900

Redaktør NRK Super: Nils Stokke

Ansvarlig redaktør: Thor Gjermund Eriksen